Իրանցի հյուրերը Կարբիի միջնակարգ դպրոցում

Իրանական Նոր տարվա՝ Նովրուզի առթիվ, մարտի 19-ին Կարբիի Վ. Թեքեյանի անվան միջնակարգ դպրոցում հյուրընկալվել էին Հայաստանի Հանրապետությունում Իրանի Իսլամական Հանրապետության մշակույթի և կրթության բաժնի տնօրեն Պ. Հեյդարին, իր տեղակալ Պ. Սոփանին և կրթության բաժնի վարիչ Տ. Կազեմին:

 

ՏՏ ոլորտում ՀՀ Նախագահի 2017թ. կրթական պարգևներ

Նախագահն ընդունել է ՏՏ ոլորտում ՀՀ Նախագահի 2017թ. կրթական պարգևներին արժանացած ուսանողներին և աշակերտներին:
Նախագահը շնորհավորել և խրախուսական նվերներ է հանձնել նաև Կարբիի Վ. Թեքեյանի անվան միջնակարգ դպրոցի ինֆորմատիկայի ուսուցիչ Վ. Հովհաննիսյանին և իր թիմին, Technovation միջազային մրցույթում կրթություն անվանակարգում առաջին մրցանակի և Սիլիկոնյան հովտում տեղի ունեցած մրցանակաբաշխության ժամանակ “Հանդիսատեսի ընտրություն” մրցանակին արժանանալու կապակցությամբ. …
26.10.2017

http://www.president.am/hy/press-release/item/2017/10/26/President-Serzh-Sargsyan-handed-IT-awards-2017/

Հայաստան-ՄԱԿ 25

Կարբիի Վ. Թեքեյանի անվան միջնակարգ դպրոցի սան Ելենա Հակոբյանը մասնակցելով ՄԱԿ-ի հայաստանյան գրասենյակի գործունեության 25-ամյակին և ՄԱԿ-ի օրվան (հոկտեմբերի 24) ընդառաջ հայտարարված առցանց մրցույթին, հավաքելով առավելագույն միավորներ, ճանաչվել է հաղթող, առաջին տեղը կիսելով Գեղարքունիքի մարզի Մարտունու Տ/Աբրահամյանի անվան ավագ դպրոցի սան Սերգեյ Հայրապետյանի հետ։ Մրցանակաբաշխությունը տեղի ունեցավ հոկտեմբերի 23-ին Ազգային գրադարանում:
Մրցույթին մասնակցել էին 304 դպրոցական՝ Հայաստանի բոլոր մարզերից։ 35 և ավելի բարձր միավորներ էին հավաքել 27 հոգի Արագածոտնի, Գեղարքունիքի, Լոռու, Շիրակի, Սյունիքի, Վայոց Ձորի, Տավուշի մարզերի եւ Երեւանի 8-11-րդ դասարաններից, որոնք էլ պարգեւատրվեցին հավաստագրերով, շնորհակալագրերով եւ հուշանվերներով։

Շնորհավոր տոնդ, սիրելի ուսուցիչ…

Շնորհավոր տոնդ, սիրելի ուսուցիչ…

Իր կոչմանը հավատարիմ` ուսուցիչը դարերով իր առաքելությունը կատարել է մեծ նվիրումով ու սիրով: Բոլոր ժամանակներում նա եղել է այդ վեհ անվան պահպանողն ու կրողը:

Կրթական համակարգը մշտապես եղել է մեր ժողովրդի և նորանկախ պետության ուշադրության կենտրոնում: Այսօր համակարգը լուրջ բարեփոխումների փուլում է, և այդ գործընթացում ուսուցչին մեծ ու պատասխանատու դեր է վերապահված: Յուրաքանչյուր ուսուցիչ պետք է իր հեղինակությամբ ու կատարած աշխատանքով արժանանահասարակության բարձր գնահատանքին: Այդ ամենին հասնելու համար ուսուցչից պահանջվում է ուժերի և կարողությունների առավելագույն ներդրում: Կիրթ ու բանիմաց սերունդ դաստիարակելը յուրաքանչյուր ուսուցչի պարտքն է և, միաժամանակ, նրա գործունեության գնահատականը: Պետք է միշտ հիշել, որ մեր երկրի ու ժողովրդի ապագա հաջողությունների սկիզբը դրվում է այսօր, և դրանում ուսուցչի աշխատանքը որոշիչ է:

Այս տոնական օրն իմ շնորհավորանքն եմ հղում նաև Սփյուռքի և Արցախի բոլոր ուսուցիչներին, ովքեր իրենց ուսերին են կրում ազգապահպանման կարևոր առաքելությունը:

Շնորհավորելով մեր բոլոր ուսուցիչներին Ուսուցչի օրվա կապակցությամբ` մաղթում եմ առողջություն և նորանոր հաջողություններ:

Լավագույն ցանկություններով՝ ԼԵՎՈՆ ՄԿՐՏՉՅԱՆ

Շնորհավոր սեպտեմբերի մեկ

Սիրելի դպրոցականներ, ուսանողներ, մանկավարժներ, կրթության բնագավառի ներկայացուցիչներ

Շնորհավորում եմ ձեզ Սեպտեմբերի մեկի` նոր ուսումնական տարվա մեկնարկի և Գիտելիքի օրվա կապակցությամբ:

Նոր ուսումնական տարին առանձնակի պարտավորեցնող է բոլորիս համար, քանի որ նախաձեռնել ենք լայնածավալ բարեփոխումների ծրագրեր` նպատակ ունենալով կրթական համակարգում ապահովել ժամանակակից միջազգային կրթական չափանիշներին համապատասխան որակ: Դրա իրականացման հաջողությունը կախված է բոլորիս հետևողական աշխատանքից և ենթադրում է մեծ նվիրում ու պատասխանատվություն:
Վստահ եմ` նոր ուսումնական տարին կլինի բեկումնային ինչպես կրթության և գիտելիքի վերաարժևորման, այնպես էլ ուսուցչի հեղինակության, դերի ու հասարակական գնահատման առումով:
Այս տոնական օրն առանձնակի ջերմությամբ շնորհավորում եմ մեր առաջին դասարանցիներին, ովքեր դեպի գիտելիքի աշխարհ իրենց առաջին քայլերն են կատարում: Ցանկանում եմ, որ նրանք դպրոց մտնեն խանդավառությամբ և այն իրենց մեջ կրեն ողջ կյանքի ընթացքում:
Ուսումնական տարվա մեկնարկի կապակցությամբ շնորհավորում եմ բոլոր մանկավարժներին, մեր պրոֆեսորադասախոսական անձնակազմին և ցանկանում, որ ուսումնական տարին նրանք սկսեն աշխատանքային նոր լիցքով ու եռանդով: Մշտապես պետք է հիշել, որ գիտելիքներով հարուստ երիտասարդ սերունդ պատրաստելով` մենք հզորացնում ենք պետության հիմքերը, ամրապնդում մեր երկրի տեղն ու դերը ժամանակակից զարգացած երկրների շարքում:
Մեկ անգամ ևս շնորհավորելով Հայաստանի Հանրապետության, Արցախի և Սփյուռքի բոլոր դպրոցականներին, ուսանողներին, մանկավարժներին, դասախոսներին, կրթության բնագավառի բոլոր ներկայացուցիչներին նոր ուսումնական տարվա մեկնարկի ու Գիտելիքի օրվա կապակցությամբ` մաղթում եմ հաջողություն, նորանոր ձեռքբերումներ և նվաճումներ:

Լավագույն ցանկութուններով` ԼԵՎՈՆ ՄԿՐՏՉՅԱՆ

Technovation 2017 համաշխարհային գագաթաժողով

Հայաստանն այս տարի առաջին անգամ մասնակցել է Technovation Challenge միջազգային մրցույթին, որի շրջանակում Կարբիի Վ. Թեքեյանի անվան միջնակարգ դպրոցի «One Step Ahead» թիմն իր մշակած «Armenian Sign Language» բջջային հավելվածով հաղթող է ճանաչվել միջազգային եզրափակչում՝ «Կրթություն» անվանակարգում զբաղեցնելով առաջին հորիզոնականը, և օգոստոսին կմասնակցի Սիլիկոնյան հովտում կայանալիք Համաշխարհային գագաթաժողովին և մրցանակաբաշխությանը…  

Կարբիի Վ. Թեքեյանի անվան միջնակարգ դպրոցի One Step Ahead ավագ թիմը (ուսուցիչ-մենթոր՝ Վարդանուշ Հովհաննիսյան, աշակերտներ՝ Սոնա Ավետիսյան, Վարդանուշ Նազարեթյան, Վիոլետա Մկրտչյան, Սվետլանա Դավթյան, Աղավնի Հակոբյան, ), «Աշխարհի խոշորագույն տեխնոլոգիական ձեռներեցությունը աղջիկների համար» ծրագրի մրցույթում ներկայացնելով Armenian Sign Language («Հայերեն ժեստերի լեզու») բջջային հավելվածը, ճանաչվելով հայաստանյան մրցույթի ավագ թիմերի հաղթող` ստանալով Հայաստանյան գլխավոր մրցանակը (Tecnovation Armennia Regional Grand Prize 2017) հնարավորություն ունեցավ մասնակցելու միջազգային փուլին: Արժանանալով միջազգային ժյուրիի բարձր գնահատականին «Կրթություն» անվանակարգում զբաղեցրեց առաջին հորիզոնականը  և օգոստոսին կմասնակցի Սիլիկոնյան հովտում կայանալիք Համաշխարհային գագաթաժողովին և մրցանակաբաշխությանը:

Technovation Armenia ծրագիրը իրականացրել են Կրթության ազգային ինստիտուտը եւ «Կանայք եւ տեղեկատվական հասարակությունը» ՀԿ-ն: Ծրագրին աջակցել և հովանավորել են ՄԱԿ-ի հայաստանյան գրասենյակը, Հայաստանի ամերիկյան համալսարանը, Տեղեկատվական և հաղորդակցության տեխնոլոգիաների գործատուների միությունը, Սինոփսիս Արմենիա ընկերությունը, «Յունիքոմփ» ընկերությունը և Ձեռնարկությունների ինկուբատոր հիմնադրամը:

Technovation Challenge միջազգային մրցույթը հովանավորել են Google, Intel, Salesforce, Adobe, Verizon, LinkedIn, Oracle, Yahoo, CATechnologies, LemannFoundation, AVGTechnologies, SAP eBay ընկերությունները:

Technovation 2017-ին մասնակցել է 11 000 աշակերտուհի՝ ավելի քան 100 երկրից:

Technovation 2017

Շնորհավորում ենք… 🙂

Կարբիի Վ. Թեքեյանի անվան միջնակարգ դպրոցի One Step Ahead ավագ թիմը (ուսուցիչ-մենթոր՝ Վարդանուշ Հովհաննիսյան, աշակերտներ՝ Սոնա Ավետիսյան, Վարդանուշ Նազարեթյան, Վիոլետա Մկրտչյան, Սվետլանա Դավթյան, Աղավնի Հակոբյան, ), «Աշխարհի խոշորագույն տեխնոլոգիական ձեռներեցությունը աղջիկների համար» ծրագրի մրցույթում ներկայացնելով Armenian Sign Language («Հայերեն ժեստերի լեզու») բջջային հավելվածը, ճանաչվեց հայաստանյան մրցույթի ավագ թիմերի հաղթող` ստանալով Հայաստանյան գլխավոր մրցանակը (Tecnovation Armennia Regional Grand Prize 2017):

Եղիշե Չարենց 120

Ե՛ս եմ հիմա — մի պոետ. եւ իմ անունը — Չարենց —
Պիտի վառվի դարերում, պիտի լինի բա՜րձր ու մեծ:
Ես եկել եմ դարերից ու գնում եմ հաղթական
Դեպի դարերը նորից՝ դեպի վառվող Ապագան…
Եղիշե Աբգարի Սողոմոնյան.

Այսօր լրանում է հայ հանճարեղ բանաստեղծ Եղիշե Չարենցի ծննդյան 120-ամյակը։

Նախարար Լևոն Մկրտչյանի շնորհավորական խոսքը Մարտի 8-ի կապակցությամբ

Կրթության և գիտության համակարգի սիրելի կանայք,

Շնորհավորում եմ ձեզ կանանց միջազգային օրվա` Մարտի 8-ի կապակցությամբ:
Բոլոր ժամանակներում հայ կինը եղել է ընտանիքի հենասյունը, հոգատարությամբ և արժանապատվությամբ է կատարել իր առաքելությունը` սերնդեսերունդ արժանանալով ակնածանքի ու խոնարհումի: Անգնահատելի է հայ կնոջ դերն ինչպես ընտանիքում, այնպես էլ հասարակական կյանքի տարբեր ոլորտներում:
Սիրելի գործընկերներ՝ մանկավարժներ, դասախոսներ ու գիտնականներ, ձեր պատասխանատու և նվիրական աշխատանքով է պայմանավորված մեր երկրի առաջընթացն ու վաղվա օրը: Դուք առանձնակի սիրով եք կատարում երիտասարդների կրթման ու դաստիարակման կարևոր առաքելությունը, գիտության զարգացմանը միտված ձեր հայրենանվեր գործը:
Սիրելի կանայք, ցանկանում եմ ձեզ առողջություն, աշխատանքային հաջողություններ և անձնական երջանկություն: Մաղթում եմ գարնանանային բարձր տրամադրություն և անսահման սեր:

Լավագույն բարեմաղթանքներով՝ ԼԵՎՈՆ ՄԿՐՏՉՅԱՆ